CDM မှာပါဝင်နေတဲ့ (ခွင့်မဲ့ပျက်ကွက်) နိုင်ငံ့ဝန်ထမ်းတွေကို မတ် ၂၅ ရက် နောက်ဆုံးထားပြီး လက်ရှိနေထိုင်နေတဲ့ အိမ်ရာတွေ၊ အဆောင်တွေကနေ ဖယ်ရှားပေးဖို့ အာဏာလုစစ်ကောင်စီက ညွှန်ကြားထားပါတယ်။
အာဏာလု မင်းအောင်လှိုင်ရဲ့ စစ်ကောင်စီဟာ CDM မှာ ပါဝင်နေတဲ့နိုင်ငံ့ဝန်ထမ်းတွေကို တာဝန်ကနေ ရပ်ဆိုင်းတာ၊ ထုတ်ပယ်တာတွေကို အင်တိုက်အားတိုက် လုပ်ဆောင်နေတာပါ။
တဖက်မှာလည်း ဒေါ်အောင်ဆန်းစုကြည် ပြည်ထောင်စုဝန်ကြီးအဖြစ်တာဝန်ယူခဲ့တဲ့ နိုင်ငံခြားရေးဝန်ကြီးဌာနမှာဆိုရင် ဝန်ထမ်း ၇၀ ကျော် အရေးယူခံထားရတယ်လို့ သိရပါတယ်။