ကားတစ်စီးလျှင် သံသေတ္တာ ၃ လုံးနှင့် ကားစုစုပေါင်း ၄ စီး၊ စုစုပေါင်း သံသေတ္တာ ၁၂ လုံးတွင် ပုလဲများ ထည့်ကာ ရန်ကုန်မြို့ တောင်ဥက္ကလာမြို့နယ်ရှိ အိမ်တစ်အိမ်မှ ရန်ကင်း မြန်မာပလာဇာအနီးရှိ အိမ်တစ်အိမ်သို့ ယနေ့ နံနက်ပိုင်းက သယ်ယူခဲ့သည်။
ယင်းသို့ သယ်ယူရာတွင် စစ်တပ်က လုံခြုံရေးယူ လိုက်ပါခဲ့သည်ကိုလည်း တွေ့မြင်ရသည်။
သိရှိမြင်တွေ့လိုက်ရသူများ၏ အဆိုအရ သယ်ယူနေသည့် ကားများမှာ တိုယိုတာ Alphard အမျိုးအစား ကားများဟု ဆိုသည်။
မည်သည့်အတွက်ကြောင့် ပုလဲရတနာများ သယ်ယူနေသည်ကို မသိရသေးပေ။ လုံခြုံရေးအရ တောင်ဥက္ကလာနှင့် ရန်ကင်းရှိ နေအိမ်လိပ်စာများကို ချန်လှပ်ထားခဲ့ပါသည်။
