မှတ်မိဦးမယ်ထင်ပါတယ်...။ ဟိုးအစပိုင်းတုန်းက မနက်ဖြန် မထွက်ဘူး၊ ထွက်မယ်၊ ၁၂ နာရီမှ ထွက်မှာလား၊ ၈ နာရီကတည်းက ထွက်မှာလားဆိုပြီး တွေဝေခဲ့ကြတာ။ ဒါတွေကို အတည်ပြုနိုင်ဖို့ ကျနော် လိုက်မေးရပါတယ်။
ဒါကို ဘယ်သူတွေ ဦးဆောင်နေသလဲ၊ ရည်ရွယ်ချက်ကဘာလဲ၊ ဘာလုပ်ချင်တာလဲ စသဖြင့်။ ပြီးမှသာ ကျနော်ကိုယ်တိုင်လည်း ဘယ်နေရာကိုသွားမလဲ၊ ဘယ်မှာ သွားပြီး သတင်းယူမလဲဆိုတာကို ဆုံးဖြတ်တာ ဖြစ်ပါတယ်။
ခုလည်း Silent Strike လုပ်သင့်သလားလို့ လာမေးကြပါတယ်။ အပြန်အလှန် ဝေဖန်မှုတွေ၊ ဆိုးကျိုး၊ ကောင်းကျိုး ချပြမှုတွေလည်း တွေ့ရပါတယ်။ ဒါပေမယ့် ဒီ Silent Strike မှာပါဝင်သင့်သလားလို့မေးရင် ပါဝင်သင့်တယ်လို့ ဆိုပါရစေ။ တရက်တည်းပါ၊ မတ် ၂၄။